منتديات العترة الطاهرة


منتدى الشيعة العالمي
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
اللهم صلي على محمد وال محمد وعجل فرجهم والعن عدوهم الى قيام يوم الدين
احاديث قدسية   
· يقول الله تبارك وتعالى في الحديث القدسي

((يا ابن ادم انك ما دعوتني ورجوتني غفرت لك على ما كان منك ولا أبالى يا ابن ادم لو بلغت ذنوبك عنان السماء ثم استغفرتني غفرت لك يا ابن ادم لو لقيتني بتراب الأرض خطايا ثم لقيتني لا تشرك بي شئ لأتيتك بترابها مغفرة


احاديث قدسية  · يقول الله تبارك وتعالى في الحديث القدسي

(( أذنب عبدا ذنب فيقول يارب أذنبت ذنبا فاغفرة لي فقال الله علم عبدي أن له ربا يغفر الذنب ويأخذ بالذنب قد غفرت لعبدي ثم عاد فأذنب ذنبا فقال اى ربى أذنبت ذنبا فاغفر لي فقال الله علم عبدي أن له ربا يغفر الذنب ويأخذ بالذنب قد غفرت لعبدي ثم عاد عبدي فأذنب ذنبا فقال يارب أذنبت ذنبا فقال الله عز وجل علم عبدي أن له ربا يغفر الذنب ويأخذ بالذنب قد غفرت لعبدي فليفعل عبدي ما شاء ما دام يستغفرني ويتوب إلى ))


احاديث قدسية  
· يقول الله تبارك وتعالى في الحديث القدسي

(( أوحى الله إلى داود يا داود لو يعلم المدبرين عن شوقي لعودتهم ورغبتي في توبتهم لذابوا شوقا أليا يا داود هذة رغبتي والمدبرون فكيف محبتي بالمقبلين عليا ))

احاديث قدسية 
· يقول الله تبارك وتعالى في الحديث القدسي

(( أني لاجدنى استحى من عبدي يرفع أليا يدية يقول يارب ارب فاردهما فتقول الملائكة إلى هنا أنة ليس أهلا لان تغفر لة فيقول الله ولكني أهل التقوى وأهل المغفرة أشهدكم أنى قد غفرت لعبدي ))

· جاء في الحديث أن العبد إذا رفع يدة إلى السماء وهو عاصي فيقول يارب فتحجب الملائكة صوتة فيكررها فيقول يارب فتحجب الملائكة صوتة فيكررها فيقول يارب فتحجب الملائكة صوتة فيكررها فيقول يارب فيقول الله عز وجل إلى متى تحجبون صوت عبدي عنى لبيك عبدي لبيك عبدي لبيك عبدي لبيك عبدي ))


المواضيع الأخيرة
» كل مولود يلد على الفطرة
السبت مايو 24, 2014 7:19 am من طرف أبن العرب

» معهد التطور العربي Arab development Forum
الثلاثاء أكتوبر 29, 2013 4:42 pm من طرف العلوي

» قولوا لا إله إلا الله تفلحوا
الأحد أكتوبر 20, 2013 12:02 pm من طرف أبن العرب

» نتائج السادس الاعدادي الدور الثاني 2013 في العرق
الجمعة أغسطس 02, 2013 11:07 pm من طرف العلوي

» نتائج الثالث المتوسط الدور الثاني 2013 في العراق
الجمعة أغسطس 02, 2013 11:04 pm من طرف العلوي

» حصريا نتائج الثالث المتوسط والسادس الاعدادي 2012 الدور الثالث في العراق
الثلاثاء أكتوبر 02, 2012 10:39 am من طرف العلوي

» احببت ان ارحب بجميع الاعضاء الجدد واتمنى ان ارى مساهماتهم الفعالة
الأربعاء يوليو 11, 2012 7:46 pm من طرف العلوي

» ترتيب الانبياء واعمارهم
الجمعة يونيو 01, 2012 9:20 pm من طرف ahmed almosuy

» من اكلات عيد الاضحى كل سنة وانتوا طيبين
السبت فبراير 11, 2012 9:13 am من طرف الجعفري

سحابة الكلمات الدلالية

شاطر | 
 

 من اكلات عيد الاضحى كل سنة وانتوا طيبين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الجعفري



عدد المساهمات : 14
نقاط : 18
السٌّمعَة : 0
تاريخ التسجيل : 18/06/2011

مُساهمةموضوع: من اكلات عيد الاضحى كل سنة وانتوا طيبين   السبت فبراير 11, 2012 9:13 am


من اكلات عيد الاضحى كل سنة وانتوا طيبين
كل سنة وأنتم طيبين
بدون مقدمات يالا بينا على المطبخ



فتة بالخل والثوم

أول طبق معانا النهارده هو طبق الفتة بالخل والثوم؛
المقادير:

- كيلو لحمة ضأن.
- 3 أكواب أرز.
- بصلة كبيرة ومقطعة قطع صغيرة.
- بصلة كبيرة مقسومة نصفين.
- 2 فص حبهان.
- ملعقة قرنفل.
- 6 فصوص ثوم مفرومة.
- 2 رغيف خبز محمص.
- نصف ملعقة صغيرة مبشور جوزة الطيب.
- أعواد قرفة.
- ورق لاورا.
- ملح.
- كوب كبير عصير طماطم.
- ملعقة كبيرة سمن.
- ملعقة كبيرة صلصة طماطم.
- ملعقة خل أبيض.

الطريقة:

1- اسلقي اللحمة الضاني وضيفي إليها عند السلق البصلة المقسومة نصفين وورق اللاورا وفص الحبهان وملعقة القرنفل والملح وسيبيها لغاية ما تستوي.

2- أثناء ما اللحمة بتستوي أحضري الأرز واغسليه، وأحضري صينية متوسطة الحجم وحطيها على النار وحطي فيها ملعقة ونصف سمنة، وضيفي إليها الأرز وقلبيه على النار لمدة خمس دقائق، بعد كده أحضري ماء وضيفي إليه شوية ملح وضيفيه للأرز وسيبي الأرز على نار هادية لغاية ما يستوي مع التقليب من وقت للتاني.

3- أثناء ما الأرز بيستوي أحضري بصلة وقطعيها قطع صغيرة وحمريها في السمنة لغاية ما تلاقي لونها بقى أصفر، ضيفي إليها الثوم مع التقليب لمدة خمس دقائق، بعد كده ضيفي إليهم كوب عصير الطماطم والصلصة ومعلقة الخل وسيبيهم على نار هادئة لمدة 10 دقائق، بعد مرور عشر دقائق ضيفي إليهم كوب من الشوربة وقطع اللحمة وسيبيهم على النار لمدة ربع ساعة.

4- أحضري صينية وقطعي فيها الخبز المحمص، وضيفي إليه شوربة اللحمة وسيبيهم لمدة عشر دقائق علشان العيش يتشرب من الشوربة.

5- أحضري طبق كبير وحطي فيه الأرز والخبز ومن فوقهم الصلصة واللحمة... واوعي تأكلي صوابعك وراها.


فتة بالزبادي والثوم

أما لو كنت عايزة تبيني للكل إنك ست غير تقليدية، وفي نفس الوقت تعملي فتة؛ يبقى عليك وعلى الفتة بالزبادي والثوم، وعلى فكرة طبق الفتة ده مشهور أوي في الشام...

المقادير:

- كيلو لحم ضاني أو بتلو مقطعة قطعا متوسطة الحجم.
- 2 رغيف شامي محمص.
- ربع كوب طحينة.
- 5 عبوات زبادي.
- 5 فصوص ثوم مفرومة.
- بصلة كبيرة مقطعة شرائح رفيعة.
- ورق لاورا.
- 2 حبة حبهان.
- نصف كوب صنوبر "اختياري".
- 3 أكواب أرز بسمتي.
- 2 ملعقة كبيرة سمنة.
- 1 كوب خل.
- ربع كوب عصير ليمون.
- ربع كوب زيت ذرة.
- ملعقة صغيرة بهارات.
- ملح وفلفل.

الطريقة:

1- أحضري العيش الشامي وقطعيه قطعا متوسطة الحجم، وحمصيه في الفرن لمدة عشر دقائق، أثناء ما العيش بيتحمص في الفرن أحضري الصنوبر وحمريه في الزيت أو حمصيه هو كمان في الفرن.

2- أحضري حلة كبيرة وحطي فيها معلقة سمنة وسخنيها على النار، وضيفي إليها البصل وقلبيه على النار لمدة ربع ساعة أو لغاية ما تلاقي إن البصل لونه أصفر ضيفي إليه نص كمية الثوم المفروم اللي عندك، وقلبيهم مع بعض لمدة خمس دقائق كمان.

3- بعد مرور خمس دقائق ضيفي إليهم قطع اللحمة، وقلبيهم مع بعض لمدة ربع ساعة أو لغاية ما تلاقي إن اللحمة لونها أتغير من اللون الأحمر إلى اللون البني، ضيفي إليها ماء وملح وبهارات وورق لاورا وحبهان، وسيبيها على النار لمدة نص ساعة أو لغاية ما اللحمة تستوي.

4- في الوقت اللي فيه اللحمة بتستوي أحضري الأرز واغسليه وبعد كده أحضري صينية وحطي فيها معلقتين سمنة واستني لغاية لما السمنة تسخن، وضيفي إليها الأرز وقلبيه على النار لمدة خمس دقائق، بعد كده أحضري ماء وضيفي إليه شوية ملح وضيفيه للرز وسيبيه على نار هادية لغاية ما يستوي.

5- أثناء ما الأرز بيستوي أحضري الزبادي واخلطيه بالطحينة وباقي كمية الثوم اللي عندك وعصير الليمون وربع معلقة صغيرة من الملح والفلفل وقلبيهم كلهم مع بعضهم كويس.

6- أحضري طبق باريركس كبير وحطي فيه الخبز المحمص، وضيفي إليه شوربة اللحمة واستني خمس دقائق، وبعد كده ضيفي إليه الزبادي والأرز وقطع اللحمة والصنوبر وشوية شوربة لحمة، ودخليه الفرن لمدة عشر دقائق وبعد كده خرجيه... وبألف هنا وشفا..


كبسة باللحمة والأرز

أما لو كنت عايزة تاكلي فتة على الطريقة السعودي؛ يبقى عليك وعلى الكبسة السعودي.. ودي طريقتها..

الطريقة:

- كيلو لحمة ضاني مقطعة قطعا متوسطة الحجم.
- 3 حبات بصل مقطعة شرائح.
- 4 أكواب أرز بسمتي.
- 5 أكواب ماء.
- ربع كوب زيت ذرة.
- 3 ثمرات طماطم مقطعة قطعا صغيرة.
- ورق لاورا.
- 3 حبات حبهان.
- 3 أعواد قرفة "متوفر عند العطار".
- ملح وفلفل وبهارات.
- حبات ليمون ناشف "متوفر عند العطار".
- مكسرات محمرة "اختياري".

الطريقة:

1- سخني الزيت في حلة وضيفي إليه البصل وقلبيه على النار لمدة عشر دقائق أو لغاية ما تلاقي إن البصل لونه بقى أصفر، ضيفي إليه اللحمة والليمون الناشف والبهارات وورق اللورا والحبهان وأعواد القرفة والملح والفلفل والطماطم وقلبيهم كلهم مع بعض على النار لمدة عشر دقائق أو لغاية ما تلاقي إن اللحمة لونها أتغير من اللون الأحمر إلى اللون البني.

2- لما تلاقي إن اللحمة لونها بقى بني ضيفي إليها كوب كبيرة من الماء، وسيبيها على نار هادية لمدة ساعة أو لغاية ما اللحمة تستوي.

3- بعد ما اللحمة تستوي أحضري الأرز واغسليه وبعد كده أحضري الصينية اللي هتعملي فيها الأرز وحطي فيها ملعقة ونصف سمنة، وبعد كده ضيفي إليها الأرز وقلبيه على النار لمدة خمس دقائق بعد كده ضيفي إليها شوربة اللحمة.

4- أحضري طبق كبير وحطي فيه الأرز ومن فوقه قطع اللحمة، والمكسرات المحمرة.. وبألف هنا وشفا.

بعد ما عرفنا أكتر من طريقة لعمل الفتة، تعالوا دلوقتي نعرف أكثر من طريقة لعمل طبق الغذاء في العيد...


مشويات مشكلة

دي أحسن طريقة ممكن إنك تعمليها علشان تحصلي على طبق مشوي مشكل في منتهى الجمال..

المقادير:

- كيلو لحم ضأن مقطعة قطعا متوسطة الحجم.
- كيلو لحم ضأن مفرومة.
- كيلو ريش ضاني.
- 5 بصلات مقطعة مفرومة.
- نصف حزمة بقدونس مقطعة قطع صغيرة جدا.
- ملح وفلفل وبهارات لحمة.
- 5 حبات فلفل أخضر.
- 5 بصلات صغيرة الحجم.
- 5 حبات طماطم متوسطة الحجم.
- شرائح ليمون "للتزيين".
- أوراق بقدونس "للتزيين".

الطريقة:

1- أحضري البصل وقطعيه قطعا صغيرة جدا وبعد كده ضيفي إليه الملح والفلفل والبهارات واضربيهم كلهم مع بعض في الخلاط.

2- أحضري حلة كبيرة وحطي فيها نصف مقدار البصل اللي عندك وضيفي إليه كيلو اللحم الضأن والريش وقلبيهم كلهم مع بعض كويس، دخلي الحلة في التلاجة لمدة 5 ساعات علشان اللحمة تتبل كويس.

3- أحضري حلة تانية وحطي فيها الكمية المتبقية من البصل وضيفي إليها البقدونس واللحمة المفرومة وقلبيهم كلهم مع بعضهم كويس.

4- أحضري أسياخ معدنية وابدئي في تشكيل اللحمة المفرومة على شكل أصابع حوال الأسياخ، بس خدي بالك إنك تضغطي عليها كويس علشان ما فيش حاجة تفك منك أثناء الشواء.

5- أحضري الشواية اللي عندك سواء كانت بالكهرباء أو بالفحم وابدئي في وضع أسياخ الكفتة عليها مع مراعاة التقليب بين الحين والآخر.

6- أحضري مجموعة أسياخ أخرى وابدئي في تدخيل قطع اللحم الضاني فيها والريش ضاني، وحطيها على الشواية مع مراعاة التقليب من الوقت للآخر.

7- بعد ما تخلصي شواء اللحمة أشوي الطماطم والفلفل والبصل.

8- جهزي طبق التقديم وزينيه بأوراق البقدونس وشرائح الليمون ورصي فيها المشويات... وبألف هنا وشفا.


ريش ضأن محشية سبانخ وطماطم

دي طريقة جديدة لعمل الريش الضأن في العيد ممكن إنك تجربيها وتقولي لنا على رأيك...

المقادير:

- كيلو ريش ضأني.
- كوب سبانخ مفرومة.
- نصف كوب طمامم مقطعة قطعا صغيرة.
- 1 حبة جزر مبشورة.
- 3حبات بطاطس.
- 5 فصوص ثوم مفرومين.
- ملعقة كبيرة مرامية "متوفر عند العطار".
- ملعقة كبيرة روزماري "متوفر عند العطار".
- ربع كوب زيت ذرة.
- ملعقة كبيرة خل.
- ملح وفلفل.


الطريقة

1- اخلطي السبانخ مع الطماطم والجزر ونصف كمية الثوم والروز ماري والمرامية والملح والفلفل وقلبيهم كلهم مع بعض كويس.

2- أحضري الريش وابدئي في عمل تجويف بداخلها باستخدام السكينة، واحشيها بالخليط السابق، واربطيها في النهاية كلها مع بعضها بخيط سميك.

3- أحضري البطاطس وقطعيها قطع متوسطة الحجم، وأحضري صينية وحطي فيها الزيت وضيفي إليه الكمية المتبقية من الثوم والأعشاب وقلبيهم مع بعض لمدة ثلاث دقائق، وبعد كده ضيفي إليهم البطاطس والريش والخل وقلبيهم كلهم مع بعض لمدة خمس دقائق.

4- أحضري صينية فرن وحطي فيها الريش والبطاطس ودخليهم الفرن لمدة نص ساعة أو لغاية لما الريش تستوي.

5- جهزي طبق التقديم وحطي فيه الريش... وبألف هنا وشفا.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
من اكلات عيد الاضحى كل سنة وانتوا طيبين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العترة الطاهرة :: قسم المرأه المؤمنه :: منتدى الطبخ-
انتقل الى: